Banka Botërore: Ekonomia e Shqipërisë pritet të rritet me 3.5 për qind gjatë vitit 2026
Raporti i fundit i Bankës Botërore konfirmon projeksionet e mëparshme dhe rendit Shqipërinë dhe Kosovën me rritjen më të lartë ekonomike në rajon.
Parashikimi për Shqipërinë dhe rajonin
Shqipëria dhe Kosova pritet të kenë rritjen më të lartë ekonomike në Ballkanin Perëndimor për vitin 2026, sipas raportit më të fundit të, të publikuar të martën. Raporti konfirmon projeksionet ekonomike të bëra më herët nga Banka në tetor të vitit 2025.
Sipas këtij vlerësimi, ekonomia e Shqipërisë parashikohet të rritet me 3.5% gjatë vitit 2026, duke ruajtur të pandryshuar projeksionin e mëparshëm dhe duke e cilësuar vendin si një nga ekonomitë më të qëndrueshme në rajon.
Perspektiva për vitin 2027
Raporti “Global Economic Prospects” vlerëson se rritja ekonomike e Shqipërisë pritet të mbetet në të njëjtin nivel, 3.5%, edhe gjatë vitit 2027. Me këtë ritëm, vendi renditet mbi mesataren e Ballkanit Perëndimor, e cila për vitin 2026 parashikohet në 3.1%, pas një rritjeje të vlerësuar prej 2.7% në vitin 2025.
Kosova dhe vendet e tjera të Ballkanit Perëndimor
Për Kosovën, Banka Botërore parashikon një rritje ekonomike prej 3.8% për vitin 2026 dhe 3.9% në vitin 2027, duke e renditur atë si ekonominë me rritjen më të shpejtë në rajon.
Në krahasim, ekonomitë e vendeve të tjera të Ballkanit Perëndimor pritet të rriten me ritme më të ulëta. Serbia, Maqedonia e Veriut dhe Bosnje-Hercegovina projektohen të kenë rritje rreth 3%, Mali i Zi rreth 3.2%, ndërsa Kroacia rreth 2.9%.
